ஹீரோவை அடித்த ஹீரோயின்

மெரிட் மீடியா தயாரிக்கும் படம் இசக்கி இனிது இனிது. சரண்குமார், கன்னட நடிகை ஆஷிதா நடிக்கிறார்கள். ஸ்ரீகாந்த் தேவா இசை, சசிகுமார் ஒளிப்பதிவு செய்கிறார். படம் பற்றி இயக்குனர் எம். கணேசன் கூறியதாவது:- ஆசிரியையான ஹீரோயினை, ஹீரோவும், வில்லனும் இருவேறு காரணங்களுக்காக துரத்துவது கதை.
ஹீரோ, ஹீரோயினை டார்ச்சர் பண்ணிக் கொண்டே இருப்பார். பொறுக்க மாட்டாமல் அவரை செருப்பால் அடிப்பது போன்றும் அதை ஹீரோ தடுப்பது போலவும் காட்சியை படமாக்கினோம். ஹீரோயின் நிஜமாகவே அடித்துவிட்டார். பிறகு ஹீரோவிடம் மன்னிப்பு கேட்டுவிட்டு அன்று முழுவதும் அழுது கொண்டே இருந்தார். அது சின்ன தவறுதான் என்று எடுத்துச் சொல்லி மறுநாள் அந்த காட்சியை திரும்ப எடுத்தோம்.