ஹொலிவுட் இயக்குனர் படத்தில் அனுஷ்கா

ஜுராசிக் பார்க், சின்ட்லர்ஸ் லிஸ்ட் உள்ளிட்ட பிரமாண்ட படங்களை இயக்கி ஹொலிவுட்டை வியக்க வைத்தவர் ஸ்டீபன் ஸ்பீல்பெர்க் இவர், அடுத்ததாக, இந்தியா பாக். பிரச்சினையை மையமாக வைத்து ஒரு படத்தை இயக்கப் போகிறார். இதற்காக லொகேஷன் பார்ப்பதற்காகவும் மற்ற பணிகளுக்காகவும் சமீபத்தில் இந்தியா வந்திருந்தார். இதை மையமாக வைத்து பொலிவுட்டில் பல தகவல்கள் உலா வருகின்றன.
தன் புதிய படத்துக்கு நடிகர்களை தேர்வு செய்யவதற்காக தான் ஸ்பீல்பெர்க் இந்தியா வந்ததாகவும், அதில் பொலிவுட்டின் சில முன்னணி நட்சத்திரங்கள் நடிக்கவுள்ள தாகவும், செய்திகள் வெளியாகியுள்ளன. அதிலும், ‘பாட்டியாலா ஹவுஸ், ஜாப் டக் ஹை ஜான் உள்ளிட்ட படங்களில் நடித்து பொலிவுட் ரசிகர்களின் பேராதரவை பெற்றுள்ள, அனுஷ்கா சர்மாவை, தன் படத்தில் ஹீரோயினாக ஸ்பீல்பெர்க் புக் செய்து விட்டதாகவும் கூறப்படுகிறது. அனுஷ்காவிடம் இது குறித்து கேட்டால், வாய் திறக்க மறுக்கிறார் மெளனம் சம்மதத்துக்கு அறிகுறியா....?