அக்ஷன் பிரின்சஸ்’ஆவேன் கிங் மகள்

அக்ஷன் கிங் அர்ஜுன் மகள் ஐஸ்வர்யா பட்டத்து யானை படத்தின் மூலம் சினிமாவில் அறிமுகமாகிறார். அவர் அளித்த பேட்டி :
திட்டமிட்டு சினிமாவுக்கு வரவில்லை. என் பிரண்ட் விஷால் கேட்டுக் கொண்டதாலும், கதை பிடித்திருந்ததாலும் நடிக்கிறேன். என் சுதந்திரத்தில் அப்பா எப்பவுமே தலையிட மாட்டார். அதுமாதிரி இதற்கும் ஒப்புக் கொண்டார். ஒரு பெரிய நடிகரின் மகள் என்பதால் எனக்கு பத்தாயிரம் சதவிகிதம் பொறுப்பு இருக்கிறது. அவர் பெயருக்கு களஞ்கம் ஏற்படாத வகையில் நடந்து கொள்வேன். அக்ஷன் கிங் மகள் அக்ஷன் பிரின்சஸ் என்று எல்லோரும் பாராட்டும்படி நடிப்பேன். அப்பா மாதிரி சண்டை காட்சிகள் நிறைந்த அக்ஷன் படத்தில் நடிப்பேன். அவரது இயக்கத்தில் நடிக்கவும் ஆசையாக இருக்கிறது. நிறைய ஐஸ்வர்யாக்கள் இருப்பதால் எனது பெயரை ஐஸ்வர்யா அர்ஜுன் என்று வைத்துள்ளேன் என்றார்.