டில்லி மாணவி வேடத்தில் லட்சுமிராய்

சினிமா உலகத்தினருக்கு ஏதாவது ஒரு பரபரப்பு சம்பவம் நடைபெற்றுவிட்டால் போதும், உடனே அதை படமாக்கி காசு பண்ணத் தொடங்கி விடுவார்கள். அந்த வகையில் சமீபத்தில் டில்லியில் மருத்துவ மாணவி ஒருவர் 6 பேர் கொண்ட கும்பலால் கொடூரமான முறையில் கற்பழிக்கப்பட்டு பஸ்சில் இருந்து தூக்கி வீசப்பட்ட சம்பவத்தையும் தற்போது படமாக்கும் முயற்சி நடக்கிறது. இந்தியில் தயாராக உள்ள அப்படத்தை இந்தியா முழுக்க மொழி மாற்றம் செய்தும் வெளியிட திட்டமிட்டுள்ளனர்.
ஆனால், இந்த செய்தி வெளியானதில் இருந்து அந்த கற்பழிக்கப்பட்ட மாணவியின் வேடத்தில் நடிக்க பல நடிகைகள் நான் நீயென்று போட்டி போட்டு வருகின்றனர். அதில் லட்சுமிராய் குறிப்பிடத்தக்கவர். மற்ற நடிகைகளெல்லாம் வாய்பேச்சில் சொல்லிக்கொண்டிருக்க இவரோ, அந்தக் கதையை படமாக்கவிருக்கும் பட நிறுவனத்தையே மும்பை சென்று சந்தித்து விட்டு வந்திருக்கிறார். அதோடு, இப்படியொரு வேடத்தில் நடிப்பது என்னை பரபரப்பான நடிகையாக காட்டிக்கொள்வதற்காக அல்ல. பெண்கள் மத்தியில் விழிப்புணர்ச்சி ஏற்படுத்த வேண்டும் என்ற நோக்கத்தினால்தான் நடிக்க ஆசைப்படுகிறேன் என்று சொல்லும் லட்சுமிராய், இந்தப் படத்தில் தனக்கு சான்ஸ் கிடைத்தால் அதற்கு சன்மானமாக ஒரு பைசாகூட தர வேண்டாம் என்றும் கூறியுள்ளாராம்.