கார்த்திகாவின் கவர்ச்சி நடிப்பு ஆரம்பம்!

கோ பட நாயகியான கார்த்திகா அந்த படத்திற்கு பிறகு பாரதிராஜா இயக்கியுள்ள அன்னக்கொடியும் கொடிவீரனும் படத்தில் ஆடுமேய்க்கும் கிராமத்து பெண்ணாக நடித்துள்ளார். இந்தப் படத்தில் நடித்தபோது அவரைத்தேடி பல வாய்ப்புகள் சென்றன. ஆனால் நான் பாரதிராஜா பட நாயகி ஆகிவிட்டேன். அதனால் இனிமேல் நார்மலான கதைகளில் நடிக்க மாட்டேன்.
கதைகளில் கதாநாயகனுக்கு இணையாக எனக்கும் முக்கியத்துவம் இருந்தால் மட்டுமே நடிப்பேன். அதோடு கிளாமர் விசயத்தில் கட்டுப்பாடு காப்பேன் என்று புதிய கண்டிசன்களை அள்ளிப்போட்டார். இதன்காரணமாக அதிர்ச்சியடைந்த இயக்குனர்கள். இப்பவே இப்படியென்றால் ஸ்பாட்டுக்கு வந்த பிறகு என்னென்ன பில்டப் கொடுப்பாரோ என்று சொல்லாமல் கொள்ளாமல் ஓட்டம் பிடித்து விட்டனர்.
விளைவு தன்னை கோடம்பாக்கமே தலையில் தூக்கி வைத்துக்கொண் டாடப்போகிறது என்று கனவு கண்டுகொண்டிருந்த கார்த்திகாவுக்கு தற்போது மார்க்கெட்டே இல்லாத அருண்விஜய் நடிக்கும் டீல் என்ற படம் மட்டுமே கைவசம் உள்ளது. அதனால் இனியும் அமைதியாக இருந்தால் இந்தப் படத்தோடு நமக்கு டாடாகாட்டி விடுவார்கள் என்பதை புரிந்து கொண்ட நடிகை, இப்போது சில மெகா பட்ஜெட் டைரக்டர்களை சந்தித்து அதிரடி கவர்ச்சிக்கு தான் மாற முடிவெடுத்திருப்பதாக காது கடித்து வருகிறார். அதோடு, முன்னணி ஹீரோ படம் என்றால் நீச்சல் உடை நடிகையாகவும் மாறத் தயார் என்றும் அவசர செய்தி வாசித்திருக்கிறார்.
இதனால் கார்த்திகாவின் வாட்டசாட்டமான உடல்கட்டு கவர்ச்சிப்பிரியர்களுக்கு நல்ல தீனியாக இருக்கும் என்று நினைக்கும் சில இயக்குனர்கள் அடுத்தடுத்து அவருக்கு சான்ஸ் கொடுக்கும் தீர்மானத்தை நிறைவேற்றியுள்ளனர்.