சுதுமலை ஶ்ரீ புவனேஸ்வரி அம்பாள் தேவஸ்தான தேர்த்திருவிழா

 

சுதுமலை ஶ்ரீ புவனேஸ்வரி அம்பாள் தேவஸ்தானத்தின் தேர்த்திருவிழா எதிர்வரும் 2023.06.02ஆம் திகதி காலை 10 மணிக்கு நடைபெறவுள்ளது. எதிர்வரும் 2023.06.03 ஆம் திகதி காலை 10.51 மணிக்கு தீர்த்தத்திருவிழா நடைபெறும். இவ்வாலயத்தின் கொடியேற்றம் கடந்த 17 ஆம் திகதி நடைபெற்றது. இவ்வாலயத்தில் தினமும் அதிகாலை 5 மணிக்கு ஆயத்தமணியும் 5.30 மணிக்கு உதயபூஜையும் 7 மணிக்கு காலை பூஜையும் 8 மணிக்கு அபிஷேகமும் 9.30 மணிக்கு விஷேட பூஜையும் 10 மணிக்கு ஸ்தம்ப பூஜையும் 11 மணிக்கு வசந்த மண்டபப் பூஜையும் தொடர்ந்து அம்பாள் வீதியுலா வருதலும் பகல் 1 மணிக்கு சண்டேஸ்வரி பூஜையும் இடம்பெறும். மாலை 4 மணிக்கு ஆயத்த மணியும் 4.30 மணிக்கு சாயரட்சை பூஜையும் 5 மணிக்கு ஸ்தம்ப பூஜையும் தொடர்ந்து அம்பாள் வீதியுலாவும் இரவு 8 மணிக்கு அர்த்தஜாமப் பூஜையும் நடைபெறும். எதிர்வரும் 2 ஆம் திகதி காலை 9 மணிக்கு வசந்த மண்டபப் பூஜை, 10 மணிக்கு தேர்பவனி ஆரம்பமாகும். மாலை 3 மணிக்கு பச்சை சாத்தல் அம்பாள் தேரில் இருந்து இறங்கி வருதல், மாலை 4.30 மணிக்கு சாயரட்சை பூஜை தொடர்ந்து தேரடி உற்சவம் என்பன இடம்பெறும். எதிர்வரும் 3ஆம் திகதி காலை5 மணிக்கு உதயபூஜையும் 5.30 மணிக்கு காலைச் சந்தியும் 5.45 மணிக்கு அபிஷேகமும் 7 மணிக்கு விஷேட பூஜையும் 7.30 மணிக்கு ஸ்தம்பப் பூஜையும் 8 மணிக்கு பேரீதாடனமும் சூர்ணோற்சவமும் 9 மணிக்கு வசந்த மணடபப்பூஜையும் 10.51 மணிக்கு தீர்த்த வாரியும் 11.30 மணிக்கு யாக கும்ப அபிஷேகமும் நண்பகல் 12 மணிக்கு உச்சிகால பூஜையும் அருட்பிரசாதம் வழங்கலும் இடம்பெறும். அன்று மாலை 4 மணிக்கு சாயரட்சை பூஜையும் 5 மணிக்கு திருவூஞ்சலும் 6 மணிக்கு துவஜாரோஹணமும் இடம்பெறும். எதிர்வரும் 5 ஆம் திகதி பூங்காவனத் திருவிழா நடைபெறும். இதனை மானிப்பாய் சுதுமலை ஶ்ரீ புவனேஸ்வரி அம்பாள் தேவஸ்தானத்தின் தலைமை குருக்கள் சிவஶ்ரீ கலாநிதி ம, பாலகைலாச குருக்கள் தெரிவித்தார்.