ஏ.ஆர்.ரஹ்மான் அடிக்கடி அமெரிக்கா செல்வது ஏன்?

நாமெல்லாம் ஏ. ஆர். ரஹ்மான் இசையமைப்பதற்காக மட்டும்தான் அமெரிக்கா செல்கிறார் என்று நினைக்கிறோம். ஆனால் இது பற்றி அவரைக் கேட்டால், நான் ஆரம்பத்தில் அங்கு இசையமைப்பதற்காக மட்டும்தான் சென்றேன். அதையடுத்து, தொடர்ந்து ஹொலிவுட் படங்களுக்கு இசையமைத்ததால் தங்குவதற்கு வசதியாக அங்கு ஒரு வீடும், ஸ்டுடியோவும் வாங்கினேன்.
மேலும், அங்கு இருக்கும் நாட்களில் இசையமைக்கும் நேரம் போக மீதமுள்ள நேரங்களில் ஷொப்பிங் செல்வேன். சில நாட்களில் ரோட்டில் ஜாலியாக நடந்து செல்வேன். டீக்கடைக்கு தனியாக சென்று டீ குடிப்பேன். அந்த சுதந்திரம் எனக்கு ரொம்ப பிடித்திருந்தது. தமிழ் நாட்டில் நான் அப்படி இருக்க முடியுமா? அதனால் தான் அடிக்கடி அமெரிக்கா சென்று வருகிறேன். வருசத்தில் பாதி நாட்களுக்கு மேல் அங்கு இருப்பதற்கான காரணமும் இதுதான் என்கிறார் ரஹ்மான்.